Rritja e çmimit të qumështit dhe produkteve të qumështit në tregje bëri që qytetarët t’i drejtohen prodhuesve vendas.
Çmimet e djathit dhe gjizës shënuan rritje nga java e kaluar, kështu që njerëzit filluan të kërkonin një variant më të lirë.
Në ditët e sotme, është më e lehtë të promovohen produkte bujqësore bio në rrjetet sociale.
Njëri prej tyre është Ivica Açkoski, nga rajoni i Prilepit, i cili mban bagëti ndërsa qumështin dhe djathin ua shet njerëzve edhe privatisht.
Ai thotë se interesi për produktet e tij është rritur që kur postoi në grupin e mediave sociale.
“Njerëzit kërkojnë një opsion më të lirë dhe kërkesa është rritur. Kjo është e pritshme në kohë krize si kjo. Megjithatë, nuk kam bagëti të mjaftueshme për të plotësuar nevojat e shumë qytetarëve. Shpesh herë nga Shkupi telefonojnë, por unë nuk mund t’u përgjigjem kërkesave të tyre. Mundësitë e mia janë të ofroj produktet për njerëzit e lagjes sime. Por, presim që edhe produktet tona të shtrenjtohen, kriza po na bën presion të gjithëve”, thotë Açkoski për “Focus”.
me mundësi dërgimi në vendbanimin e kërkuesve.
Prodhuesit theksojnë se produktet e tyre nuk spërkaten me asnjë lëndë kimike dhe se ato përgatiten në mënyrë natyrale.
Çmimet ndryshojnë nga ofertuesi në ofertues.
Djathi i bërë në shtëpi ofrohet me çmim prej 300 deri në 400 denarë për kilogram, ndërsa nga ofertuesit thonë se çmimet janë reale, duke pasur parasysh se bëhet fjalë për prodhime shtëpiake, pa asnjë përpunim.
Çmimi i qumështit të dhisë në këtë grup varion nga 70 denarë për litër, ndërsa hirra e dhisë është më e lirë, mund të blihet për 50 denarë për litër.
Çmimi i një kilogrami arra është 150 denarë, kilogrami i patates 35 denarë, ndërsa domatet nga rajoni i Shkupit shiten për 50 denarë.\Telegrafi.com\
