Kreu i Departamentit të Korrektues të Nevadës ka dhënë dorëheqje me kërkesë të guvernatorit të shtetit amerikan pasi u zbulua se një i burgosur i përjetshëm jo vetëm që u arratis nga burgu, por se një gjë e tillë nuk është hetuar për katër ditë të plota.
Sipas raportit, Guvernatori Steve Sisolak “kërkoi dhe mori dorëheqjen e Drejtorit të Burgjeve, Charles Daniels, me efekt menjëherë dhe gjashtë oficerë burgu u pezulluan”.
Porfirio Duarte-Herrera, i dënuar me burgim të përjetshëm për shpërthimin e vitit 2007, u arratis më 23 shtator nga burgu i Shkretëtirës Jugore pranë Las Vegasit. Askush nuk e vuri re se kjo ndodhi për katër ditë, raporton washingtonpost.
Duarte-Herrera, 42 vjeç, u kap në mes të Las Vegas të mërkurën mbrëma, duke u përpjekur të hipte në një autobus që do ta dërgonte jashtë qytetit.
Bugru i “Shkretëtirës së Jugut” është klasifikuar si një objekt i sigurisë së mesme dhe administrata e tij nuk e bëri të ditur zhdukjen e Duarte-Herrera deri të martën.
Ai u dënua me burgim të përjetshëm për përdorimin e një pajisjeje të punuar me dorë, të aktivizuar nga distanca për të shpërthyer jashtë një kazinoje në Las Vegas, duke vrarë një person.
Policia e Las Vegas tha se mori një informacion të mërkurën në mbrëmje se një person që përputhej me përshkrimin e të arratisurit ishte në zonën e tyre. I dyshuari është arrestuar dhe identiteti është konfirmuar.
