Nuk kam marrë asnjë qindarkë jashtë punës sime, punoj vetëm në Klinikën e Sëmundjeve të Fëmijëve dhe diku tjetër. Mënyra e llogaritjes së orëve të detyrës përcaktohet me akt ligjor përkatës dhe ndiqet deri në detaje. Dhe, së fundi, rroga ime nuk ka qenë asnjëherë 300.000 mijë denarë, asnjëherë. Kështu ka shkruar në profilin e saj në Facebook, Prof.Dr. Aspazija Sofianova, e cila një ditë më parë, u akuzua se ka marrë rrogë mujore më shumë sesa i ka takuar sipas orëve të punës. Drejtoreshë e Klinikës së Fëmijëve, dr. Sofianova njihet si ndër mjeket më të mira të vendit, ndërsa në status është shprehur se ndjen keqardhje për “sjelljen” e saj dhe mënyrën sesi komunikoi me gazetarin e TV Klan.
Statusi i plotë i dr. Sofianova:
Në fillim dua të shpreh keqardhjen time për atë që ndodhi gjatë ditës së djeshme dhe mënyrën se si u zhvillua komunikimi në publik.
Të dashur miq dhe të gjithë të tjerët,
Në fillim dua të shpreh keqardhjen time për atë që ndodhi gjatë ditës së djeshme dhe mënyrën se si u zhvillua komunikimi në publik.
Unë kam qenë gjithmonë, jam dhe do të jem transparent ndaj gazetarëve në çdo rast në karrierën time shumëvjeçare. Gjatë ditës së djeshme pas 24 orësh në detyrë, pasi mbajta leksione për studentët dhe ushtrimeve të mbajtura, mora një kërkesë nga gazetari Furkan Saliu për të diskutuar temën e fëmijëve me fibrozë cistike. E ftova dhe në vend të temës së paralajmëruar, biseda u kthye në ngjarjen që për fat të keq, e patë tashmë dje, në të cilën reagova dhunshëm ndaj akuzave krejtësisht të rreme ndaj meje për të ardhurat mujore.
Nuk kam marrë asnjë qindarkë jashtë punës sime, punoj vetëm në Klinikën e Sëmundjeve të Fëmijëve dhe diku tjetër. Mënyra e llogaritjes së orëve të detyrës përcaktohet me akt ligjor përkatës dhe ndiqet deri në detaje. Dhe, së fundi, rroga ime nuk ka qenë asnjëherë 300.000 mijë denarë, asnjëherë.
Klinika është shtëpia ime, shumica prej jush e dini mirë këtë, reagimi im i djeshëm u nxit nga tronditja e akuzave për detyrat e mia në reanimacion, për të gjitha rastet e vështira me fëmijët në reanimacion, dhe të gjitha departamentet e tjera. Emri im është në çdo raport mëngjesi për çdo vendim më serioz, dhe ju e dini se vendimet kanë të bëjnë me jetën dhe shëndetin e fëmijëve. Ata janë prioriteti im, unë punoj dhe kur nuk jam fizikisht prezent jam në dispozicion 24/7 dhe këtë e kam pranuar si stil jete, sepse është ajo që di më së miri në interesin e të gjithë pacientëve.
Mbetem transparent dhe në dispozicion për çdo informacion, ka shkruar në Facebook drejtoresha e Klinikës së Fëmijëve, Prof. Aspazija Sofianova.
