Kryetari i Kuvendit të Republikës së Maqedonisë së Veriut., Talat Xhaferi, sot realizoi takim me nënkryetaren e Qeverisë dhe ministren e Punëve të Jashtme e Republikës së Sllovenisë, Tanja Fajon. Në takim ishin të pranishëm edhe kryetari i Grupit të Bashkëpunimit të Kuvendit me Parlamentin e Republikës së Sllovenisë, Aleksandar Veljanovski, ambasadori i Republikës së Sllovenisë në Republikën e Maqedonisë së Veriut, Sh.T. Millan Predan dhe sekretarja e përgjithshme e Kuvendit, Cvetanka Ivanova.
Duke shprehur kënaqësi për takimin e sotëm me miken tonë shumëvjeçare dhe mbështetësen nga Republika e Sllovenisë, Kryetari Xhaferi falënderoi për përkrahjen e vazhdueshme të Republikës së Sllovenisë në realizimin e dy qëllimeve tona shtetërore strategjike, anëtarësimi në NATO dhe në BE në dekadat e kaluara. Ai informonte për procesin aktual të skriningut të cilit i paraprinte procesi i konsultimeve dhe qëndrimi i Kuvendit për Qeverinë për respektimin e veçorive të identitetit të popullit maqedonas dhe zgjidhjen e çështjeve bilaterale jashtë klasterëve gjatë negociatave. Në takim u bisedua edhe për harmonizimin e plotë të shtetit me politiken e jashtme, të sigurisë dhe të mbrojtjes së BE-së, si indikator i qartë për zotimet e pakushtëzuara dhe përkushtimin në rrugën tonë drejt anëtarësimit në Union.
Me vizitën e saj të parë zyrtare në Republikën e Maqedonisë së Veriut në këtë funksion, në vitin kur shënohet 30-vjetori i vendosjes së marrëdhënieve diplomatike ndërmjet dy vendeve, e nderuara Fajon e konfirmoi përcaktimin personal dhe shtetëror për mbështetje të plotë të vendit në të gjitha fushat me interes të ndërsjellë. Njëherazi, ajo i theksoi potencialet që ekzistojnë për bashkëpunim në planin bilateral si edhe në fushën e ekonomisë dhe arsimit, sidomos në periudhën e ndryshimeve globale kur gjithnjë e më shumë nevojiten masat e solidaritetit dhe veprimit të përbashkët. Shprehu kënaqësi të veçantë për procesin aktual të skriningut dhe faktin që vendi ka mbi 40 përqind harmonizim me legjislacionin e BE-së, fakt që e bën qëllimin e nënvizuar për anëtarësimin e vendit në BE në vitin 2030 të realtë dhe të arsyeshëm.
Bashkëbiseduesit e përshëndetën nënshkrimin e marrëveshjes me Fronteksin në gjuhën maqedonase, me të cilin drojat ekzistuese vërtetohen si të paarsyeshme. Për potencialet që ekzistojnë në vetë diasporën, përfshirë këtu edhe diasporën studentore në Slloveni, u përfundua se duhet të vazhdohet me kultivimin dhe avancimin edhe në të ardhme.
