Ministria për Sistem Politik dhe Marrëdhënije ndërmjet bashkësive e udhëhequr nga Artan Grubi ka shpallur sot thirrjen publike për financimin e aktiviteteve programore të shoqatave dhe fondacioneve të vendit.
Nëpërmes një statusi në rrjetet sociale, Grubi ka thënë se për këtë qëllim janë ndarë 20 milion denarë në formë të 33 granteve të menjëhershme prej 600.000 denarëve.
Nëpërmes të njëjtit status, Grubi ka ftuar të gjithë shoqatat dhe fondacionet të shqyrtojnë përmbajtjen e thirrjes publike dhe të aplikojnë në kornizën e përcaktuar kohore deri më 17 nëntor 2022
Statusi i plotë:
Shpallëm sot thirrjen publike për financimin e aktiviteteve programore të shoqatave dhe fondacioneve të vendit për vitin 2022, përmes të cilës do të ndajmë gjithsej 20.000.000 denarë në formë të 33 granteve të menjëhershme prej 600.000 denarëve për periudhën e zbatimit të programeve / projekteve deri më 30.06.2023.
Ftoj të gjitha shoqatat dhe fondacionet të shqyrtojnë përmbajtjen e thirrjes publike dhe të aplikojnë në kornizën e përcaktuar kohore deri më 17 nëntor 2022.
