Kryetari i VMRO-DPMNE-së Hristijan Mickoski njoftoi për sot se do ta bëj të ditur qëndrimin e tij nëse do ta pranojë ftesën për të marrë pjesë në takimin e liderëve të thirrur për të hënën nga kryeministri Dimitar Kovaçevski.
Mickoski theksoi se vendimi do të pasoj pas konsultimeve me partnerët e koalicionit, grupin parlamentar dhe organet e larta partiake.
Kryeministri dhe lideri i LSDM-së, Dimitar Kovaçevski ka dërguar ftesë për takim liderësh të hënën me kryetarët e të gjitha partive parlamentare, ku në fokus do të jetë rruga evropiane e vendit si dhe vendimet që siç thuhet në të ardhmen duhet të merren me një konsensus të gjerë politik dhe shoqëror.
Deri tani ftesës i janë përgjigjur pozitivisht BDI, partitë e koalicionit me LSDM, ASH, AAA, ndërsa pritet përgjigje edhe nga Lëvizja BESA.
