Ministria e Mbrojtjes e Tajvanit tha dje se po gjurmonte 44 avionë luftarakë kinezë, katër anije luftarake dhe dy dronë ushtarakë rreth ishullit
Automjetet ajrore dhe detare të Kinës po monitorohen me mjete elektronike të gjurmimit, avionë patrullimi, anije dhe sisteme raketore me bazë tokësore, tha ministria.
Tensionet midis Pekinit dhe Uashingtonit janë përshkallëzuar që kur Kina nisi operacione të paprecedentë ushtarake rreth Tajvanit në gusht, kur kryetarja e Dhomës së Përfaqësuesve të SHBA Nancy Pelosi bëri një vizitë të paparalajmëruar në vendin ishullor të vetëqeverisur.
Tajvani dhe Kina u ndanë në vitin 1949 pasi komunistët fituan një luftë civile në kontinent. Të dyja palët thonë se janë një vend, por nuk pajtohen se cila qeveri ka të drejtën e udhëheqjes kombëtare në Tajvan.
Pekini dhe Taipei nuk kanë marrëdhënie zyrtare, por ato janë të lidhura me miliarda dollarë në tregti dhe investime. Kina e sheh Tajvanin si një “provincë të shkëputur”. Pekini është zotuar të ribashkojë ishullin, edhe me forcë nëse është e nevojshme.
