Ministria e Punëve të Brendshme gjatë ditës së djeshme (18.11.2022) ka vazhduar me intensifikimin e kontrolleve të veprimit në fushën e trafikut.
Në territorin e qytetit të Shkupit janë shqiptuar gjithsej 188 masa, nga të cilat 18 sanksione për drejtim mjeti mbi shpejtësinë e lejuar, tri masa për drejtim mjeti nën ndikimin e alkoolit, 11 sanksione për drejtim mjeti pa patentë shofer.
Gjashtë masa janë vendosur për përdorimin e celularit gjatë drejtimit të automjetit, gjashtë sanksione për kalimin e sinjalit të mbyllur (semafori i kuq), pesë masa për automjetet e paregjistruara…Apelojmë tek qytetarët që të respektojnë rregullat dhe rregulloret e komunikacionit në mënyrë që të rrisim sigurinë në komunikacion dhe së bashku të kontribuojmë për rrugë më të sigurta, thonë nga MPB.
