Kombëtraja e Zvicrës do ta luajë sot (në orën 11:00) ndeshjen e parë në Kampionatin Botëror në Katar. E një ditë para ndeshjes ka folur kapiteni Granit Xhaka.
“Jemi gati ta shkruajmë historinë. Jemi të përgatitur dhe besoj se kemi pasur kohë të mjaftueshme, por është më e lehtë të flasim se sa të bëjmë. Ne që nga fillimi duhet të dominojmë ndeshjen”, tha Xhaka.
30-vjeçari theksoi se kjo përbërje s’është ajo më e mira që ka Zvicra, shkruajnë mediat zvicerane.
“Nuk do të thoja se ky është ekipi më i mirë që kemi. Ne jemi gati të bëjmë histori. Jemi të qetë, duam të fillojmë mirë dhe shpresojmë me tre pikë”– theksoi kapiteni i Zvicrës.
