Transportuesit privatë kanë protestuar sot para selisë së Ndërmarrjes Transportues Publike (NTP) në Shkup, ku kanë kërkuar takim me drejtorin.
Ata kërkojnë nga drejtori i NTP-së shpjegim për borxhin e papaguar, i cili, siç thonë ata, me nëntorin do të jetë rreth dy milionë euro. Gjatë ditës pritet që ata të kenë takim me të gjitha grupet këshilldhënëse të Këshillit të Bashkisë së Shkupit për të gjetur zgjidhje për problemet me të cilat ballafaqohen.
Për të pestën ditë, kompanitë private nuk qarkullojnë për shkak të borxhit të papaguar të NQP-së ndaj tyre.
Ata dje janë akuzuar nga kryetarja e Qytetit të Shkupit, Danela Arsovska, se nga viti 2017 kanë faturuar biletat dhe paratë nuk i kanë raportuar, ndërsa kanë faturuar nga 400 mijë euro nga NTP-ja çdo muaj. Duke mohuar akuza të tilla, transportuesit thanë se nuk janë të përfshirë fare në pagesën e biletave.
