Një person ka mbetur pa jetë dhe tre të tjerë janë plagosur ditën e sotme në Ukrainë, pasi sulmet ruse goditën kryeqyetin Kiev.
Mediat bëjnë me dije se tre raketa goditën një ndërmarrje industriale, duke vrarë një punonjës aty e duke plagosu tre të tjerë të cilët u dërguan menjëherë në spital, ku janë në gjendje të qëndrueshme.
Granatimet ruse u raportuan gjithashtu në rrethin jugor të Nikopolit dhe rajonin e Zaporizhzhia.
Në qytetin e Zaporizhzhia, infrastruktura industriale dhe energjetike u godit dhe një biznes privat u dëmtua, tha të hënën në Telegram zyrtari i Zaporizhzhia, Anatoliy Kurtev.
Oleksandr Starukh, kreu i administratës ushtarake rajonale të Zaporizhzhia, tha se nuk kishte viktima.
Në fjalimin e tij të përditshëm me video të dielën, presidenti ukrainas Volodymyr Zelensky mblodhi banorët për të qëndruar të fortë gjatë muajve të vështirë të dimrit.
“Për të kaluar këtë dimër, ne duhet të jemi edhe më elastik dhe më të bashkuar se kurrë,” tha Zelensky në një video krahas tekstit: “Ia vlen të perceptohet ky dimër jo si një provë, por si kohë – koha që sjell. ne jemi më afër gjësë kryesore – fitores.”
