I Dërguari i BE-së për Dialogun, Miroslav Lajçak dhe emisari amerikan, Gabriel Escobar, pas vizitës në Kosovë do të udhëtojnë drejt Serbisë. Presidenca serbe ka njoftuar se ata do të priten në takim 12:45 nga presidenti Aleksandër Vuçiq. Takimi do të jetë trepalësh derisa do të diskutohen zhvillimet e fundit që lidhen kryesisht me veriun e Kosovës dhe barrikadat e vendosura nga ana e serbëve. Escobar dhe Lajçak një natë më parë kanë takuar në Prishtinë kryeministrin e Kosovës, Albin Kurti dhe ka deklaruar se barrikadat është mirë të largohen me marrëveshje dhe jo me buldozerë.
