Zyrtarët ushtarakë në Turqi, kanë bërë të ditur se ky shtet ka filluar prodhimin masiv të municionit të gjeneratës së re të fluturakes pa pilot.
Siç raportojnë mediat turke, Instituti për Hulumtime dhe Zhvillim të industrisë së mbrojtjes, ka prodhuar municionin laserik Bozok, që deri më tani i është nënshtruar një sërë testimesh para se të fillojë prodhimi masiv, transmeton Telegrafi.
Siç edhe është pritur, testimet janë kryer në fluturaken pa pilot Bayraktar TB2, që përfaqëson një prej fluturakeve më të kërkuara pa pilot dhe që janë përdorur në luftime në vende të ndryshme të botës.
“Ka filluar prodhimi masiv i municionit Bozok të fluturakes pa pilot. Kemi zhvilluar kokën e Bozokut që ka një rreze më të gjatë veprimi”, tha drejtori i Institutit, Gurcan Okumus.
Për dallim nga “municionet e mençura” MAM-L që deri më tani është përdorur në fluturaket turke pa pilot, Bozok është më i vogël dhe ka një strukturë më kompakte.
Rrezja e saj është zgjeruar nga 9 sa ishte më parë në 15 kilometra – me mundësi të zgjerimit të mëtejmë.
“Kemi kryer teste ku me Bozok kemi përshkuar mbi 15 kilometra. Qëllimi ynë është të kemi një rreze më të gjatë veprimi”, shtoi Okumus.
Sipas pretendimeve të Institutit, municioni Bozok ofron mbrojtje efikase në luftimet asimetrike – duke i dhënë një mundësi fluturakes pa pilot që të kryej sulme
