Milani dhe Interi nesër do të përplasin brirët për trofeun e parë të sezonit, atë të Superkupës së Italisë, një ndeshje që fitorja e saj të jep moral për të ecur përpara, por edhe ndryshime në ekonominë e klubit.
Finalja e nesërme do të luhet në stadiumin “King Fahd” në Riad dhe do të jetë e fundit që do të luhet në vendin saudit pas marrëveshjes me Serie A të bërë në nëntor të vitit 2018.
Sipas raportimeve nga “Calcio Finanza”, çedo finale e Superkupës së Italisë vlen rreth 7.5 milionë euro, ku 10 % e kësaj vlere shkon për Serinë A. Pjesa tjetër, pra 90%, ndahet në dy pjesë te klubet finaliste, ku fituesi merr vetëm 500 mijë euro më shumë se humbësi.
Por kjo shifër nuk është gjithmonë e tillë, pasi vetëm kur ka finalistë klube me emër të madh atëherë shifra është e tillë, pasi edhe audienca rritet kur ndeshen në finale klube si Inter, Milan apo Juve./abcnews.al
