Kryetari i komunës së Kumanovës, Maksim Dimitrievski, gjatë emisionit “Studio 10” në televizionin 24, theksoi se Maqedonisë i duhet një filtrim i plotë i numrit më të madh të kuadrove që paguhen nga qytetarët përmes buxhetit.
“Maqedonia e ka kaluar periudhën e tranzicionit apo plakjes së demokracisë. Maqedonia ka ardhur në moshë dhe sot nuk na lejohet t’i shpjegojmë opinionit se çfarë është demokracia. Në vendin tonë në momente të caktuara demokracia ose falsifikohet, ose është false, false nga ata që e zbatojnë, sepse ka një numër të madh abuzimesh me funksionet publike dhe shtetërore nga të zgjedhurit, ndaj kontrollohet zgjedhësi”. tha Dimitrievski.
Lidhur me iniciativën qytetare, Dimitrievski theksoi se qëllimi është kthimi në rrënjët krushevike dhe asnomike, ngritja e ideologjisë në këtë vend, sepse politika është shndërruar në një interes klasik të biznesit nga i cili qytetarët janë maksimalisht të zhgënjyer.
“Nuk ke subjekt politik, lëvizje, si të duash quaj, nëse nuk ke ideologji dhe në fakt shteti mbështetet në një ideologji të caktuar. Filluam në Kumanovë, Prilep, pastaj në Krushevë, u zgjeruam në Tetovë, tani plani është në Koçan, pastaj një qytet tjetër në Maqedoninë lindore. Kur të arrijmë një numër prej rreth 20 organizatash, shoqatash joqeveritare, kështu i quajmë në të gjithë Maqedoninë për momentin, do të vijmë në Shkup dhe do t’i ftojmë banorët e Shkupit të mbështesin diçka që synon të ndryshojë gjërat për mirë në vendin dhe shpresoj se do t’ia dalin mbanë”, theksoi Dimitrievski.
Dimitrievski tha se nuk është as me njërin opsion politik dhe as me tjetrin.
“Qëllimi ynë është që të ulemi në një tryezë të përbashkët me të gjithë dhe të nënshkruajmë disa dokumente strategjike, të bashkojmë në radhë të parë maqedonasit dhe më pas qytetarët dhe të bëjmë dallimin mes politikanëve që synojnë të punojnë në interes të qytetarëve, në thelb si shumë prej tyre duan të thonë, të jenë shërbëtorë të popullit dhe mes politikanëve që në fakt duan të kontrollojnë shtetin dhe vetë qytetarët. Kur zgjidhen në poste të caktuara, në radhë të parë mendojnë se populli është këtu për t’u shërbyer atyre dhe jo e kundërta. Ne duam ta ndryshojmë këtë, tha ai.
Ai shtoi se në Maqedoni është bërë trend kur ngrihesh kundër qeverisë në të njëjtin moment kur je i vendosur të jesh pro-rus ose mbështetës i rusëve.
– Ose nga ana tjetër, të gjithë duan të jenë mbështetës të amerikanëve. Dhe ku janë përkrahësit e Maqedonisë? A kemi ndonjë? Ne duam të jemi përkrahës të Maqedonisë, të cilët absolutisht i japin mbështetje të plotë vendimeve strategjike të vendit që të jetë anëtare e plotë e NATO-s ashtu siç është dhe një ditë të jetë anëtare e plotë e BE-së. Koha për t’i dhënë fund kësaj mënyre jetese, zhgënjimi është i madh. Do të dalim dhe do të ofrojmë një opsion që do t’u japë besim qytetarëve se mund të jetë ndryshe nga ajo që ishte më parë”, tha Dimitrievski.
