Në Kuvendin e Republikës së Maqedonisë së Veriut dje pasdite, deputetët debatuan për propozimin për shkarkimin e ministrave nga radhët e Alternativës, të cilët nuk dhanë dorëheqje nga pozitat e tyre para zgjedhjes së anëtarëve të rinj të Qeverisë, të cilët përgjithësisht vijnë nga partneri i ri i koalicionit Aleanca për Shqiptarët. Seanca u ndërpre mbrëmë dhe do të rifillojë sot në mesditë.
Shumica thotë se i ka votat e mjaftueshme, ndërsa opozita maqedonase paralajmëron seancë të gjatë. Në mbledhjen e djeshme u konstatuan dorëheqjet e dy ministrave dhe dy zëvendësve, ndërsa kuorumi u sigurua nga deputetët e partisë “E Majta”.
