Karim Benzema do të ketë mundësinë të kalojë Raul Gonzalez dhe të bëhet golashënuesi i dytë më i mirë i të gjitha kohërave të Real Madridit kur “Los Blancos” të përballen me Levanten në Estadio Santiago Bernabeu këtë të enjte në mbrëmje.
Carlo Ancelotti vendosi të pushojë francezin në derbin e fundjavës së kaluar jashtë Atletico Madridit, por ai mund të luajë kundër Levantes në një nga ndeshjet e parafundit të Real Madrid në shtëpi këtë sezon.
Cristiano Ronaldo është golashënuesi më i mirë i të gjitha kohërave i Real Madridit me 451 gola, i ndjekur nga Raul (323 gola) dhe Benzema (322).
“E kuptoj që nuk keni shumë argumente, por të flasësh për tregun e transferimeve dhe të ardhmen nuk më duket e drejtë”, tha Ancelotti në konferencën për shtyp përpara ndeshjes me Levante.
“Nuk dua të flas për tregun e transferimeve, por për ndeshjen e Levantes, në të cilën do të kthehen Courtois, Vinicius, Benzema.
“Ne duhet të përgatitemi për ndeshjen e ligës që po vjen. Kjo nuk është dita për të folur për të rejat, nënshkrimet e reja të supozuara për Real Madridin”. /albeu.com/
