Kryeministri i Shqipërisë, Edi Rama, ka njoftuar të premten se shteti shqiptar dhe Bullgaria kanë nënshkruar marrëveshjen për sigurimet shoqërore.
Rama ka thënë se marrëveshja në fjalë rregullon sigurimin e shtetasve të Bullgarisë dhe Shqipërisë kur punojnë në të dy vendet.
“Shqipëria shënon një tjetër sukses në njohjen e sigurimeve shoqërore për shtetasit shqiptarë jashtë vendit. Marrëveshja rregullon sigurimin e shtetasve të Bullgarisë dhe Shqipërisë kur punojnë në të dy vendet, garanton të drejtat e tyre të sigurimit, pagesës së përfitimeve në rast sëmundjesh ose aksidentesh në profesion, si edhe kushtet për dhënien e llojeve të ndryshme të pensioneve”, shkruan Rama në “Facebook”.
