Presidentja e Komisionit Evropian, Ursula von der Leyen, do të kandidojë për Sekretaren e re të Përgjithshme të NATO-s, pavarësisht se mandati i saj përfundon vitin e ardhshëm.
Burime diplomatike pohojnë se një sërë vendesh anëtare të NATO-s kanë propozuar që ajo të marrë përsipër aleancën këtë tetor, sipas gazetës britanike “The Sun”.
Leyen, e cila me parë ka udhëhequr dikasterin e ministrisë së mbrojtjes gjermane, do të përballet me një betejë të vështirë për të pasuar Jens Stoltenberg si shefin e NATO-s, i cili do të japë dorëheqjen më vonë këtë vit pasi mandati i tij u zgjat për shkak të luftës në Ukrainë.
Nuk ka zgjedhje formale për këtë pozicion, por aleanca ushtarake perëndimore prej 30 anëtarësh zgjedh një lider të ri me konsensus dhe SHBA, megjithëse kanë fjalën kryesore në këto zgjedhje, zakonisht nuk emërojnë një kandidat, sepse gjenerali amerikan shërben tradicionalisht. si komandant suprem i forcave aleate në Evropë, sipas fletës britanike.
Burime nga Britania e Madhe bënë të ditur se Londra ndoshta do të vërë veton ndaj zgjedhjes së Ursula von der Leyen, duke përmendur si arsye performancën e saj të dobët në krye të forcave të armatosura gjermane.
Sekretari britanik i Mbrojtjes Ben Wallace gjithashtu dëshiron këtë post, që të bëhet Sekretari i parë i Përgjithshëm britanik i NATO-s në 20 vjet dhe kryeministri Rishi Sunak zyrtarisht mbështet kandidaturën e tij.
Si kandidate e mundshme për postin e kreut të NATO-s përmendet edhe kryeministrja e Estonisë Kaja Kalas, por ajo ka thënë se po e përjashton veten për shkak të kërcënimit të Rusisë në kufijtë e vendit të saj.
Ministrja kanadeze e financave Christia Freeland, e cila është gjysmë ukrainase, është gjithashtu në garë për të pasuar Jens Stoltenberg, por një burim i NATO-s sugjeron se ajo nuk ka gjasa të marrë vendin e punës për shkak të dështimit të Kanadasë për të përmbushur objektivin e aleancës për të shpenzuar dy për qind të PBB-së për fuqizim ushtarak të NATO-s.
