Parada e djeshme e Ditës së Fitores mbi Gjermaninë naziste në Moskë ekspozoi dobësitë e ushtrisë ruse, sipas ekspertëve britanikë të shërbimeve sekrete.
”Lufta 15-mujore e Rusisë në Ukrainë paraqiti sfida për rusët në aspektin e komunikimit material dhe strategjik”, thuhet në raportin ditor të shërbimeve sekrete të Ministrisë britanike të Mbrojtjes.
”Mbi 8 000 personel thuhet se morën pjesë në paradë, por shumica ishin forca ndihmëse, paraushtarake dhe kadetë nga institucionet e trajnimit ushtarak”, theksuan ato.
Gjithashtu, britanikët vunë në dukje se Rusia kryesisht u përmbajt nga ekspozimi i tankeve, me vetëm një tank tip ”T-34” nga Lufta e Dytë Botërore e paraqitur në paradë.
”Megjithë humbjet e mëdha në Ukrainë, Rusia mund të kishte vënë në terren më shumë automjete të blinduara”, thuhet në raportin britanik.
”Autoritetet ruse ka të ngjarë të donin të shmangnin akuzat e brendshme se u jepnin përparësi paradave mbi operacionet ushtarake”, theksohet në analizë.
