Pesëmbëdhjetë persona u arrestuan sot nga Guardia di Finanza, në Basilicata, Liguria dhe Pulia, si pjesë e një operacioni antidrogë nga prokurori i rrethit antimafia të Potenzës, i cili shkaterroi një klan të përbërë nga Italianë dhe shqiptarë të akuzuar për trafik ndërkombëtar droge (heroinë, kokainë, hashash dhe marihuanë) nga Shqipëria.
Pikërisht në vendin tonë investoheshin edhe të ardhurat e paligjshme te akumuluara nga kjo veprimtari kriminale.
Baza e organizatës ishte në Scanzano Jonico (Matera), në një fermë që shërbente si “mbulim” për trafikun e drogës.
Lidhja me Shqipërinë u bë përmes “një sistemi kompleks bisedash të koduara”.
Në kuadër të një hetimi të koordinuar nga Drejtoria Anti-Mafia e Qarkut Trento – u sekuestruan mbi 20 kilogramë heroinë, 5.7 kilogramë marihuanë dhe 105 gram kokainë.
Krahas arrestimit të 15 të dyshuarve, kryesisht shqiptarë, mes të cilëve edhe “kreu” i organizatës dhe bashkëpunëtori i tij më i afërt, pronar i fermës bazë të trafikut, u kryen sekuestrime parandaluese të aseteve, të drejtpërdrejta dhe të barasvlershme. një vlerë prej 4.2 milionë euro.
Të ardhurat nga trafiku i drogës (pasi mbërrinin në Itali, substancat shpërndaheshin në të gjithë territorin “edhe drejt organizatave të tjera kriminale”) investoheshin në Shqipëri “për blerjen e pasurive të paluajtshme dhe aktivitete tregtare”. /Ansa
