Skena që të kujtojnë filmat e Hollivudit u regjistruan në Egjipt të enjten teksa një stuhi rëre përfshiu një pjesë të madhe të vendit, duke lënë një të vdekur dhe pesë të plagosur.
Videot e xhiruara në Kajro dhe në Kanalin e Suezit kapin intensitetin e fenomenit që prodhoi imazhe të botës tjetër.
Gjithashtu në Kajro, stuhia e rërës shkaktoi shembjen e një billbordi që ra mbi katër makina në qendër të qytetit.
Në Kanalin e Suezit, dy porte u mbyllën “për shkak të kushteve të këqija atmosferike pasi stuhia e rërës u shoqërua me erëra të forta dhe dallgë të mëdha”.
Siç raportojnë mediat lokale, stuhitë e rërës janë një fenomen i shpeshtë në Egjipt në pranverë, duke shkaktuar probleme në frymëmarrje.
Ishte një stuhi rëre e tillë që në vitin 2021 çoi në ankorimin e anijes së mallrave Ever Given në një pozicion diagonal , e cila shkaktoi probleme trafiku përmes kanalit për rreth një javë.
