Presidenti serb, Aleksandar Vuçiq ka thënë sot në Beograd se ndërkombëtarët do ta çojnë tekstin e Statutit të Asociacionit të komunave me shumicë serbe në Kosovës, për të cilin thotë se “nuk do të na pyesin asgjë”.
Vuçiq e ka komentuar shpërthimin e mbrëmshëm në pjesën veriore të Mitrovicës me një pyetje.
“A është njësoj si me armët e gjetura përballë komunës së Zveçanit në afërsi të NATO-s dhe policisë së Kosovës, dhe me ditë më parë kemi raportuar në shërbimet më të mëdha botërore se çfarë kanë planifikuar të bëjnë”, pyeti Vuçiq.
Vuçiq thotë se të gjithë e din se kush po dëshiron ta tensionojë situatën.
“Të gjithë në botë e dinë se kush po përpiqet të përshkallëzojë situatën, të gjithë në botë e dinë se kush po luan luftë…”, tha Vuçiq.
“Ne bëmë të pamundurën për të ruajtur paqen, gjithmonë të gatshëm për kompromise – kjo është një fjalë e bukur dhe e mirë, jo një fjalë e keqe, ashtu siç biseda është një fjalë e mirë dhe jo një vepër keqardhjeje”, ka thënë Vuçiq sot gjatë një adresimi publik.
