Në një konferencë për media, ministri i Punëve të Jashtme, Bujar Osmani, me rastin e marrjes së kryesimit të Procesit të Bashkëpunimit të Europës Juglindore (SEECP) nga Republika e Maqedonisë së Veriut, tha se nëse nuk ndodhin ndryshimet kushtetuese do të kalojë periudha e skrininkgut dhe Shqipëria do të hapë kapitujt e parë dhe do të futet në një grup me Serbinë dhe Malin e Zi, ndërsa ne do të bashkohemi me grupin e Bosnjës dhe Kosovës. Sipas Osmanit kjo është e pafalshme, sepse Maqedonia ishte i pari vend për t’u integruar në BE në vitet 90-ta, ndërsa tani jemi të fundit nga bllokadat e vazhdueshme të politikave të brendshme të gabuara. Por, Osmani tha se te VMRO-ja sheh një grup parlamentarësh që janë të gatshëm të bëjnë këto ndryshime për të mirën e vendit.
