Kanë kaluar dhjetë vite nga zgjerimi i fundit i Bashkimit Evropian, me anëtarësimin e Kroacisë në bllok në korrik 2013.
Që nga korriku i 2013 e deri më tani nuk ka më asnjë lëvizje në këtë drejtim, por gjatë kësaj periudhe kemi dhe daljen e një anëtari me Brexit atë të Britanisë më 31 janar 2020.
Ndërkohë që janë në fazën e negociatave për anëtarësim por akoma nuk ka një afat të përcaktuar kohorë se sa mund të zgjasë një gjë e tillë, Maqedonia e Veriut, Shqipëria Mali i Zi, Serbia dhe Turqia.
Ndërsa kujtojmë se në dhjetor të 2022 Bosnja dhe Hercegovina mori statusin e vendit kandidat dhe Kosova aplikoi për anëtarësim në BE. Gjithashtu statusin e vendit kandidat për anëtarësim e ka siguruar edhe Ukraina dhe Moldavia në qershor të 2022.
