Tani mund të vizitosh Tiranën me autobus të hapur shëtitës.
Kryetari i Bashkisë së Tiranës Erion Veliaj ka ndarë disa nga fotot e nismës së re që u mundëson turistëve të shumtë një tur në pikat kryesore në kryeqytet. “Kush është për një xhiro?
Tani mund të vizitosh Tiranën me OpenBus Albania. Autobusi më i ri i cili mundëson turin anë e kënd qytetit, për të gjithë vizitorët vendas dhe të huaj të cilët duan të njihen me atraksionet, monumentet dhe historinë e qytetit”, shkruan Veliaj.
Tirana është në një qytet që gëlon nga turistët, thuajse në çdo muaj të vitit kalendarik. Nga viti 2015-2016, kur Tirana vizitohej nga jo më shumë se 100 mijë turistë, brenda 8 viteve numri i tyre arrin në 4.5 milion.
Katërfishimi i numrit të turistëve ka ndikuar pozitivisht në ekonominë e qytetit.Numri i atyre që janë të punësuar në sektorin e turizmit (hoteleri, shërbime) është rritur me 30,000 ose e thënë ndryshe me mbi 2.3 herë.
Nëse më parë Tirana nuk kishte asnjë brand ndërkombëtar hotelerie në Tiranë, sot kryeqyteti shqiptar ka emra të njohur në të gjithë botën.
