Policia e Kosovës ka njoftuar se është gjetur i vdekur një person në Burojë të Skenderajt në orët e para të mëngjesit së 3 qershorit. Viktima është gjetur pa shenja jete derisa me vendim të prokurorit trupi është dërguar për obduksion, derisa rasti po trajtohet si vdekje e dyshimtë.
“VDEKJE E DYSHIMTË- Fsh. Burojë, Skenderaj, 03.06.2022 – 06:10. Është raportuar se viktima mashkull kosovar është gjetur pa shenja jete. Nga mjeku është konstatuar vdekja e tij dhe me vendim të prokurorit trupi i pa jetë është dërguar për obduksion’, thuhet në raportin e Policisë.
Personi që është gjetur i vdekur është Hajzer Duraku, 79 vjeç, i cili ka qenë edhe ushtar i UÇK-së.
Tashmë i ndjeri në një rrëfim për T7, kishte treguar se si kishte jetuar me pesë plumba në trup.
Lidhur me vdekjen e Hajzer Durakut kanë reaguar disa figura të PDK-së nga Skenderaj
