Data e zgjedhjeve të ardhshme evropiane në Gjermani tashmë është caktuar zyrtarisht më 9 qershor 2024. Në këtë datë votuesit do të vendosin për herë të dhjetë për përbërjen e Parlamentit Evropian.
Më 9 qershor votuesit gjermanë do të jenë në gjendje të propozojnë deputetët e rinj gjermanë në Parlamentin Evropian. Kabineti federal gjerman sot ka marrë një vendim për këtë. 27 shtetet e Bashkimit Evropian kishin rënë dakord në maj që zgjedhjet e ardhshme evropiane të mbaheshin nga 6 deri më 9 qershor 2024.
“Qeveria shpreson që sa më shumë votues të jetë e mundur do të ushtrojnë të drejtën e tyre për të votuar në këtë datë në mënyrë që të demonstrojnë përkushtimin e tyre për integrimin evropian dhe demokracinë në Evropë”, tha zëdhënësi i qeverisë, Steffen Hebestreit.
Drejtues të rinj për BE
Zgjedhjet nuk zhvillohen në të njëjtën ditë në të gjitha shtetet anëtare të BE-së: arsyeja është se në disa vende, traditë është që zgjedhjet parlamentare nuk zhvillohen të dielën, por në një ditë tjetër të javës.
Në Gjermani, zgjedhjet e vitit të ardhshëm do të zhvillohen si zakonisht të dielën.
Parlamenti Evropian rinovohet çdo pesë vjet. Gjermania përfaqësohet aktualisht me 96 nga 705 deputetët e PE. Zgjedhjet shënojnë fillimin e rizënies së posteve me drejtues të Parlamentit Evropian, Komisionit Evropian dhe Këshillit Evropian.
Zgjedhjet e fundit evropiane u zhvilluan në vitin 2019. Në atë kohë, partitë e krahut të djathtë dhe të ekstremit të djathtë shënuan përparime, por të Gjelbrit dhe Liberalët gjithashtu shënuan përparime të rëndësishme. Kristiandemokratët dhe Socialdemokratët arritën një nivel historik të ulët. Parlamenti Evropian mblidhet në Strasburg dhe Bruksel. Zgjedhjet e para evropiane u zhvilluan nga 7 deri më 10 qershor 1979. /dw/
