Të gjithë janë të vetëdijshëm për vështirësitë financiare të Barcelonës dhe ato i kanë shkaktuar shumë probleme ekipit gjatë dy viteve të fundit. Këtë verë, katalanasit po e kalojnë sërish një kohë shumë të vështirë, veçanërisht për blerjen e lojtarëve të rinj, por ka një problem që duhet të trajtohet sa më urgjentisht.
Për shkak të situatës së vështirë ekonomike të klubit, vetëm 13 lojtarë të Barcelonës janë regjistruar në La Liga, me sezonin e ri që nis për vetëm 9 ditë. Nëse asgjë nuk ndryshon, për ndeshjen e parë Çavi do të ketë në dispozicion këta lojtarë: Marc-Andre Ter Stegen, Jules Kunde, Eric Garcia, Andreas Christensen, Pedri, Gavi, Frank Kessie, Frenkie De Jong, Ferran Torres, Ansu Fati, Rafinha, Robert Lewandowski dhe Ousmane Dembele.
Nga këta 13 lojtarë, dy pritet të largohen së shpejti nga klubi. Dembele papritur vendosi të kalojë te PSZH, e cila aktivizoi klauzolën e tij dhe do të shkojë në Paris pas disa ditësh. Kesi është një nga zgjedhjet e fundit të Çavit në mesfushë, kjo është arsyeja pse Barça dëshiron që ai të gjejë një klub të ri.
Megjithatë, sipas “Sport”, falë këtyre shitjeve dhe fondeve shtesë, klubi ka besim se do të jetë në gjendje të regjistrojë të gjithë skuadrën përpara ndeshjes së raundit të parë kundër Getafes më 13 gusht.
