Japonia këtë mëngjes bëri homazhe për viktimat nga bombat atomike të hedhura në qytetin e Nagasakit para 78 vjetëve, duke u bërë thirrje vendeve të heqin dorë nga armët nukleare, raporton 360 Gradë.
Kryetari i komunës së Nagasakit, Shiro Suzuki, tha se shtetet që posedojnë armë nukleare duhet me krenari t’i heqin ato armë, për të cilat thuhet se janë të synuara si eksplozim bërthamor.
Kryetari dha një mesazh të tillë në përkujtimin, që ishte shumë më i vogël se zakonisht për shkak se Japonia po përballet me tajfunin Kanuna, i cili sjell shi të dendur dhe era të forta. Të ftuar nga Japonia dhe jashtë vendit, përfshirë kryeministrin Fumio Kishida, nuk morën pjesë në përkujtimore.
Për herë të parë që nga viti 1963, përkujtimi i viktimave nuk u mbajt në Parkun e Paqes në Nagasaki, por në sallën e ekspozitës. Në ceremoninë në ora 11:02, u mbajt një minutë heshtje për viktimat e 9 gushtit 1945, që kur “njeriu i trashë”, siç quhej bomba atomike, është hedhur dhe ka shpërthyer mbi Nagasaki.
Vetëm në qytetin Nagasaki, 70 mijë njerëz kanë vdekur në vend nga shpërthimi, ndërsa 75 mijë të tjerë kanë qenë të plagosur. Tre ditë më parë, SHBA kishin hedhur bombën tjetër atomike dhe kishin shkatërruar qytetin Hiroshima.
