Agjencia hapësinore e saj ka shënuar vetëm pak minuta më parë rekordin si agjencia e parë në botë që ul një anije kozmike në polin jugor të Hënës.
Të gjitha misionet e mëparshme me këtë qëllim, përfshirë edhe atë ruse të dielën, kanë dështuar të bëjnë ulje të suksesshme.
Tashmë do të duhen disa orë derisa pluhuri hënor të qetësohet dhe më pas do të nisë eksplorimi i karakteristikave fizike në këtë pjesë të hënës.
Udhëheqësi indian Narendra Modi i cili ndodhet në samitin e Johanesburgut përshëndeti me buzëqeshje dhe duartrokitje dhomën e kontrollit të anijes.
