Një varrezë e grupit Wagner është shkatërruar pasi udhëheqësi Yevgeny Prigozhin vdiq kur avioni me të cilin po udhëtonte ai u rrëzua.
Qindra varre në fshatin rus Nikolayevka u janë hequr kryqet dhe janë rrëzuar me buldozë.
Në fillim të këtij viti, varrezat e mercenarëve u ndërtuan në rajonin jugperëndimor të Samara Oblast. Por të premten, kryqet dhe kurora u grumbulluan si mbeturina dhe rruga që dikur ishte një memorial u kthye në një fushë të mbuluar me zhavorr.
Një video e publikuar në X tregon vendin të kthyer në një fushë, përveç obeliskut të Prigozhin, i cili dukej se ishte lënë i paprekur.
“Aty ku është kjo rrugë, ishin varret. Gjithçka është shkatërruar,” tha një anëtar i Wagner Group.
Nuk ka asnjë koment zyrtar nga autoritetet në rajonin e Samaras për punimet.
