Tregtia e Bashkimit Evropian me Rusinë ka rënë në nivelet më të ulëta që nga fillimi i luftës në Ukrainë, me pjesën e importeve dhe eksporteve të Rusisë në BE tani nën nivelin 2 për qind.
Të dhënat e fundit tregojnë se ndërsa 9.6 për qind e importeve të BE-së erdhën nga Rusia në muajin shkurt të viti 2022, kjo shifër tani ka rënë në 1.7 për qind në qershor të këtij viti.
Pjesa e eksporteve të BE-së drejt Rusisë ra nga 3.8 për qind në 1.4 për qind në të njëjtën periudhë.
Statistikat tregojnë se sanksionet tregtare të BE-së kanë efektin e dëshiruar dhe kufizojnë seriozisht lëvizjen e mallrave.
Vlera e sanksioneve të BE-së që nga fillimi i luftës arriti në 43.9 miliardë euro në mallra të eksportuara dhe 91.2 miliardë euro në mallra të importuara, sipas të dhënave nga Komisioni Evropian.
Në fillim të pushtimit, deficiti tregtar i BE-së me Rusinë u rrit përkohësisht ndërsa çmimet e energjisë arritën kulmin, me vlerën e importeve të BE-së në Rusi që tejkalonte eksportet me 18.5 miliardë euro në mars të vitit 2022.
Rënia e mprehtë e importeve u nxit nga përpjekjet e BE-së për t’u larguar nga produktet ruse të energjisë, me deficitin tregtar në produktet energjetike që ra nga 40.4 miliardë euro në tremujorin e dytë të 2022 në vetëm 5.7 miliardë euro në tremujorin e dytë të 2023.
Ndërkohë, BE-ja ka lehtësuar eksportin e produkteve ukrainase, duke përfshirë drithërat e nevojshme për prodhimin e ushqimit në mbarë botën.
