E ardhmja e Vedat Muriqit pritet të jetë në Belgikë, pasi Majorka dhe Lacio nuk gjetën gjuhën e përbashkët për transferimin e sulmuesit te skuadra spanjolle, ekip ku luajti në huazim gjysmën e dytë të sezonit që u mbyll.
Sipas gazetarit italian, Xhanluka Di Marzio, sulmuesi i Lacios është afër kalimit në kampionatin belg.
Skuadra e Klub Brizhit është skuadra e cila ka shfaqur interesim për sulmuesin e kombëtares së Kosovës, teksa mediat në Kosovë, raportojnë se lojtari ka arritur marrëveshjen dhe ky transferim do të mbyllet për 10.5 milionë euro, me Muriqin që do të përfitonte 2 milionë euro në vit.
