Fillon ulja e çmimit për të dhënat me roaming në Maqedoninë e Veriut, me vendet e BE-së.
Qytetarët dhe bizneset në Maqedoninë e Veriut, do të paguajnë mesatarisht një të tretën më pak nga çmimi që paguajnë aktualisht për të dhënat përmes roaming-ut kur udhëtojnë në vendet evropiane. Ulja e çmimeve për të dhënat me roaming vlen edhe për qytetarët nga diaspora dhe Evropa, kur do të qëndrojnë në Maqedoninë e Veriut.
Ulja e çmimeve për të dhënat me roaming është një përmbushje e Deklaratës për Roaming të nënshkruar në Samitin BE-Ballkani Perëndimor, i cili u mbajt në dhjetor të vitit të kaluar në Tiranë. 38 operatorë të telekomunikacionit nga BE dhe Ballkani Perëndimor, vitin e kaluar në Samitin BE – Ballkani Perëndimor, nënshkruan një deklaratë konformiteti, për të reduktuar ndjeshëm “hendekun” midis tarifave të roaming-ut dhe çmimeve të brendshme ndërmjet BE- së dhe vendeve të Ballkanit. Kjo iniciativë, do ta reduktojë “hendekun” mes roaming-ut dhe çmimeve të brendshme ndërmjet BE-së dhe vendeve të Ballkanit Perëndimor.
Nëkohësisht, ulja e çmimeve për të dhënat me roaming, do të kontribuojë në nxitjen e zhvillimit të biznesit, turizmit dhe përforcimin e lidhjeve ndërmjet BE-së dhe vendeve të Ballkanit Perëndimor. Përmbushja e kësaj Deklarate është dhe një mbështetje tjetër nga BE-ja, por edhe vërtetim i fuqishëm për ardhmërinë tonë evropiane dhe bashkëpunimin intensiv të vendeve të Ballkanit Perëndimor me vendet e BE-së.
