Angel Di Maria ka mbërritur në spitalin J Medical për të kryer testet mjekësore para së ta përfundoj transferimin te Juventusi.
Ylli argjentinas është afër të kompletojë transferimin e tij te Zonja e Vjetër si lojtar i lirë.
Pas arritjes së marrëveshjes me klubin bardhezi, Di Maria ka zbarkuar në Torino për të kompletuar transferimin.
Sot (e premte), anësori argjentinas ka arritur në spitalin J Medical, aty ku do t’i kryej testet mjekësore përpara se të zyrtarizohet si lojtar i ri i Juventusit.
Di Maria thuhet se ka arritur një marrëveshje njëvjeçare me Bianconerët me vlerë 7 milionë euro në sezon.
Përveç argjentinasit, te Juventusi pritet të transferohet këto ditë edhe ylli francez, Paul Pogba. /Telegrafi/
