Të paktën 55 palestinezë u vranë në sulmet e vazhdueshme izraelite në Rripin e Gazës sot herët, sipas mediave lokale, transmeton Anadolu.
Në një sulm ajror u godit një shtëpi në qytetin Rafah në Gazën jugore, duke vrarë nëntë dhe duke plagosur disa të tjerë, njoftoi agjencia palestineze e lajmeve Wafa.
Një tjetër sulm që kishte në shënjestër një banesë në qytetin Zawaida në qendër të Gazës, la 18 të vdekur, shtoi transmetuesi.
Shtatë të tjerë humbën jetën dhe dhjetëra u plagosën në një sulm ajror në një shtëpi në lagjen Zeitoun të Gazës qendrore, ndërsa 18 u vranë në një sulm tjetër në një shtëpi në qytetin Rafah, gjithnjë sipas Wafas.
Bombardimet izraelite vranë gjithashtu tre persona, duke përfshirë një fëmijë 6-vjeçar, dhe plagosën nëntë të tjerë në Gazën veriore.
Ushtria izraelite ka zgjeruar sulmet e saj ajrore dhe tokësore në Rripin e Gazës, i cili ka qenë nën sulme të pamëshirshme ajrore që nga sulmi ndërkufitar i Hamasit më 7 tetor.
Më shumë se 9.800 njerëz janë vrarë në konfliktin e Gazës, duke përfshirë 8.306 palestinezë dhe më shumë se 1.538 izraelitë.
