Drejtoria e Doganave njofton se në dy raste të ndara të kontrollit të hyrjes, është parandaluar tentativa për kontrabandim të rrobave dhe këpucëve të markave botërore, përfshirë “Dolce & Gabbana”, “Versace”, “Michael Kors”, “Ralph Lauren ” dhe “Nike”, në vlerë prej 1,6 milionë denarë (26.007) në vendkalimin kufitar Tabanoc.
Malli i markës për të cilin është dashur të paguhen detyrime doganore në vlerë të përgjithshme prej 457.546 denarë (7437 euro) është konfiskuar, ndërsa kundër drejtuesve të automjeteve do të paraqitet kallëzim penal.
“Veshje dhe këpucë të emrave të njohur të modës, ndër të cilat “Dolce & Gabbana” dhe “Versace” në vlerë prej rreth 700 mijë denarë, doganierët kanë zbuluar në bagazhin e një shoferi të autobusit i cili udhëtonte në linjën e rregullt mes Dortmundit dhe Tetovës, kur të punësuarit e doganës i kanë pyetur pasagjerët dhe shoferin nëse kanë diçka për të deklaruar për kontroll doganor, ata janë përgjigjur se nuk kanë asgjë për të deklaruar. Gjatë kontrollit të autobusit dhe bagazhit, shoferi tha se kishte dy çanta me rroba të vjetra që i kishte marrë si dërgesë, gjatë kontrollit të të cilave iu gjetën produktet e markës me çmime të bashkangjitura”, thuhet në njoftimin e Drejtorisë së Doganave.
