Kreu i VMRO-DPMNE-së, Hristijan Mickoski sot komentoi vizitën e fudnit të Ali Ahmetit në fshatin Sopot, ku u kujtua masakra e vitit 1944 ndaj 64 banorëve të këtij fshati, shkruan TV21. Mickoski thotë se BDI po e bën këtë për fushatë.
“Çdoherë kur BDI kapet në vjedhje ata menjëherë i kthejnë temat nacionaliste dhe shoviniste. BDI tashmë është në fushatë dhe periudha që vijon, provokime të tilla do të ketë. Sa më të mëdha janë ato provokime nacionaliste të jeni të sigurt se përsëri ndonjë tender po zgjidhet në 4 sy dhe përsëri qytetarët e Maqedonisë po vidhen. Të ju kujtojë në premtimin e Ali Ahmetit për gurrëthemelin e fabrikës në Tetovë për vetura elektrike, përveç gropës aty nuk është bërë asgjë. Shqiptarët çdo ditë e braktisin Maqedoninë për shkak politikave të këqija të BDI-së dhe LSDM-së”, tha Mickoski./tv21.tv
