Nën sloganin “ti nuk je vetëm”, rreth 1,000 protestues u mblodhën në Utrecht, Holandë, për të protestuar kundër fitores së Geert Wilders në zgjedhjet parlamentare të së mërkurës.
Një tjetër demonstratë kundër partisë së Wilders u zhvillua në orët e vona të pasdites në Amsterdam. Anëtarët e partive të krahut të majtë organizuan demonstratën në Utrehti “për t’u treguar holandezëve se ne kurrë nuk lëmë askënd pas dhe se luftojmë për të drejtat e të gjithëve,” thanë organizatorët.
Wilders befasoi duke fituar 37 vende në parlament.
Por pavarësisht toneve të zbutura në lidhje me deklaratat e tij anti-islame gjatë fushatës zgjedhore, slogani i Partisë së Lirisë (PVV) bën thirrje për ndalimin e xhamive dhe Kuranit.
Judy Carazzoli, një studente gazetarie 25-vjeç nga Siria, tha se suksesi zgjedhor i Wilders ka ngjallur frike tek të gjithë. Carazzoli tha se disa nga miqtë e saj janë refugjatë me leje qëndrimi, të cilët tani kanë frikë për të ardhmen e tyre.
Sipas PVV këto leje qëndrimi duhet të anulohen sepse “zona të caktuara të Sirisë tani janë të sigurta”.
“Kështu që unë e di se si është të ikësh nga lufta për të gjetur strehim në një vend të sigurt, por tani ne nuk ndihemi më të sigurt,” tha ajo.
“Unë erdha këtu për liri dhe tolerancë, për një vend ku secili mund të bëjë çfarë të dojë,” tha Ahmed Hassan, një inxhinier egjiptian 30-vjeç.
Pas fitores së Geert Wilders në zgjedhjet parlamentare, kreun e PVV-së e pret një detyrë e vështirë, pikërisht të bindë kundërshtarët e tij për të krijuar koalicion.
PVV fitoi 37 nga 150 vendet e Parlamentit, më shumë se dy herë më shumë se në zgjedhjet e vitit 2021.
