Negociatorët në samitin e klimës COP28 në Emiratet e Bashkuara Arabe të mërkurën ranë dakord për një projekt-marrëveshje përfundimtare, duke u kërkuar vendeve që të parat të largohen nga karburantet fosile për të shmangur ndikimet më të këqija të ndryshimeve klimatike.
COP28 filloi në Emiratet e Bashkuara Arabe (EBA), Dubai, më 30 nëntor dhe ishte planifikuar të mbyllej në mbrëmjen e 12 dhjetorit, por pasi negociatat nuk u mbyllën sesioni përfundimtar pritet të zhvillohet më vonë sot.
“Përfaqësuesit nga 197 vende, përveç Bashkimit Evropian, në COP28 miratuan të mërkurën “Konsensusin e Emirateve të Bashkuara Arabe” mbi ndryshimet klimatike”, tha agjencia shtetërore e lajmeve e Emirateve të Bashkuara Arabe WAM.
Teksti i projekt-marrëveshjes përfundimtare përmban 196 nene në 21 faqe, shtoi WAM.
Draft-marrëveshja, e përshkruar si një marrëveshje historike, pritet të bëjë që për herë të parë kombet të bien dakord në një samit të OKB-së për klimën për të trajtuar në mënyrë eksplicite lëndët djegëse fosile dhe nevojën për t’u larguar nga nafta, gazi natyror dhe qymyri për të kufizuar ngrohjen globale.
