Komisioni parlamentar për çështje të zgjedhjeve dhe emërimeve ka përcaktuar listën e kandidatëve për anëtarë të Komisionit Shtetëror Zgjedhor (KSHZ).
Në garën për plotësimin e një vendi janë pesë kandidatë: Beat Dauti, Abdush Demiri, Robert Trajkovski dhe Zulfi Adili.
Pas përcaktimit, lista e kandidatëve duhet të miratohet në seancë plenare.
Dje në mëngjes është ndërprerë seanca e Komisionit parlamentar për zgjedhje dhe emërime, pasi kryetarja e Komisionit Marija Georgievska ka theksuar se kandidati i opozitës shqiptare LEN, Abdush Demiri nuk i plotëson kriteret e duhura, sepse është sekretar i përgjithshëm i një partie, ndaj të cilit deputeti i opozitës shqiptare Fadil Zendeli reagoi ashpër duke thënë se kjo nuk është e vërtetë.
Zendeli theksoi se gjatë aplikimit për shpallje publike është dorëzuar deklaratë noteriale që vërteton se personi nuk është bartës i pozitës së sekretarit të përgjithshëm të një partie. Koalicioni opozitar shqiptar LEN insiston që vendi ti takoj atyre dhe se akuzojnë se pushteti po përgatit falsifikim të zgjedhjeve.
