Është sulmi më i madh i Hamasit deri më tani i zbuluar nga ushtria izraelite, shkruan “Times of Israel”.
“Ky është tuneli më i madh që kemi zbuluar deri më tani. Ishte një projekt madhor. Vlerësojmë se është 50 metra i thellë dhe katër kilometra i gjatë dhe kemi gjetur gjithashtu të ruajtura RPG (granata me raketa) dhe AK-47 (pushkë). Tunele më të vegjël të çojnë nga atje”, tha kundëradmirali Daniel Hagari, zëdhënës i IDF.
Sipas Financial Times, tuneli fillimisht zbret ngadalë dhe ka dritë natyrale të mjaftueshme për të parë muret e betonit të armuar, një lëmsh kabllosh elektrike dhe një tub ventilimi të varur nga muri.
Tashmë 30 metra më tutje ajri bëhet i ngrohtë pasi tuneli bie në errësirë. Ai zbret edhe disa metra përpara se të bashkohet me rrjetin e gjerë nëntokësor të tuneleve të gërmuara nga Hamasi nën Gaza.
