Evropa perëndimore do të përballet me temperatura më të larta të martën, ndërsa një valë e egër e të nxehtit po shkon drejt veriut.
Në Francë dhe në Mbretërinë e Bashkuar u lëshuan paralajmërime për nxehtësi ekstreme, ndërsa Spanja veriore regjistroi temperatura prej 43 gradë Celsius të hënën.
Zjarret në Francë, Portugali, Spanjë dhe Greqi kanë detyruar mijëra njerëz të evakuojnë shtëpitë e tyre.
Britania e Madhe pritet të provojë ditën e saj më të nxehtë që ka pasur ndonjëherë dhe ekspertët thonë se disa pjesë të Francës po përballen me një “apokalips të nxehtësisë”.
Disa pjesë të Francës panë ditët e tyre më të nxehta ndonjëherë me qytetin perëndimor të Nantes që regjistroi 42 gradë Celsius, tha zyra kombëtare e motit.
Zjarret në ditët e fundit kanë detyruar më shumë se 30,000 njerëz të largohen dhe strehimore emergjente të ngritura për të evakuuarit.
Gironde, një rajon i njohur turistik në jug-perëndim, është goditur veçanërisht keq, me zjarrfikësit që po luftojnë për të kontrolluar flakët që kanë shkatërruar gati 17,000 hektarë tokë ose 42 mijë akra që nga e marta e kaluar.
“Ideja që më vjen në kokë është se është një përbindësh,” tha Jean-Luc Gleyze, presidenti i rajonit Gironde për zjarret.
“Është një përbindësh si një oktapod, dhe po rritet dhe rritet dhe rritet përpara, prapa, në të dy anët. Për shkak të temperaturës, për shkak të erës, për shkak të mungesës së ujit në ajër… është një përbindësh dhe është shumë e vështirë të luftosh kundër tij”.
Një spanjoll vrapon për të shpëtuar nga flakët e ferrit.
Temperaturat që lëvizën rreth 40 gradë Celsius të hënën parashikohet të bien të martën – por kjo mund të mos sjellë lehtësim të menjëhershëm, për sa kohë që kushtet e thata dhe erërat e ndryshueshme vazhdojnë, raporton Lucy Williamson e BBC në rajonin e Gironde.
Mbretëria e Bashkuar pati një nga ditët e saj më të nxehta në rekord të hënën, me një temperaturë maksimale prej 38.1C të regjistruar në Suffolk, në Anglinë lindore.
Parashikuesit thonë se të martën mund të shihen temperatura mbi 40 gradë Celsius, me paralajmërime ekstreme të nxehtësisë që mbulojnë Anglinë qendrore, veriore dhe juglindore.
Pati ndërprerje të rënda të udhëtimit nga trenat që anuluan udhëtimet dhe avionë në aeroportin Luton të Londrës, që iu pezulluan fluturimet kur një pjesë e pistës u shkri nën nxehtësinë e madhe.
© SYRI.net
