Hamasi e ka mirëpritur propozimin e armëpushimit në Gazë dhe ne tani presim përgjigjen e Izraelit, deklaroi sot ministri i Jashtëm egjiptian, Sameh Shoukry, i cili ndodhet në një vizitë zyrtare në Madrid. Presidenti amerikan Xhi Bajden prezantoi ditë më parë detaje të një projekt-marrëveshjeje paqeje që parashikon tre faza të shmangies së përshkallëzimit, duke filluar me një armëpushim të plotë për gjashtë javë dhe një tërheqje të forcave izraelite nga zonat me popullsi të dendur në Gazë. Marrëveshja përcakton planet për lirimin e pengjeve dhe të burgosurve, tërheqjen e Izraelit nga territori palestinez dhe rindërtimin e Rripit të Gazës./Alsat.mk
