Sulmuesi i kombëtares së Shqipërisë, Jasir Asani është përfshirë në formacionin e javës në Ligën e Kampionëve në Azi. Ai shënoi dy supergola në gjashtë minutat e para të ndeshjes mes Guangju dhe Johor-it, ndërsa e mbylli me asist para fundit të sfidës.
Skuadra e Guangju fitoi 3 me 1 në përfundim për meritë të Asanit. Dhe pse është vetëm raundi i tretë, futbollisti ndodhet në kuotën e gjashtë golave tashmë. 29-vjeçari është “ringjallur” te skuadra e tij pas ndeshjeve të luajtura me kombëtaren e Shqipërisë.