Irani konsideron se Bashkimi Evropian (BE) dhe Britania e Madhe vendosën sanksione ndaj linjës së tij të transportit bazuar në “pretendimet e rrejshme” për furnizimin e Rusisë me raketa dhe se sanksionet janë të “paarsyeshme”, tha zëdhënësi i Ministrisë së Jashtme të Iranit, Esmaeil Baghaei.
Brukseli i shtoi të hënën në listën e sanksioneve Linjën e Transportit të Republikës Islamike të Iranit (IRISL) dhe drejtorin e saj, për shkak të mbështetjes që Teherani po ia ofron Rusisë në luftën e saj kundër Ukrainës.
