Mbrëmë presidenti ukrainas Volodymyr Zelensky njoftoi në rrjetet sociale se Vladimir Putin ka frikë nga negociatat e paqes për t’i dhënë fund luftës me Ukrainën. Deklarata e Zelensky vjen pasi presidenti rus hodhi poshtë dje mundësinë e bisedimeve të drejtpërdrejta me homologun e tij ukrainas.
“Sot Putin konfirmoi edhe një herë se ka frikë nga negociatat, ka frikë nga liderët e fortë dhe po bën gjithçka që është e mundur për të zgjatur luftën. Në vitin 2014, Rusia nisi një luftë hibride kundër Ukrainës, të cilën e ktheu në një pushtim të plotë në vitin 2022. Tani ka një shans për paqe të vërtetë, por është Putin ai që po bën gjithçka në fuqinë e tij për të vazhduar vrasjet në shkallë të gjerë ose për të siguruar një pauzë në mënyrë që të rifillojë sulmet hibride, ndërsa përgatitet për një pushtim tjetër në shkallë të gjerë.
