Ligji i ri për shërbimin ushtarak u hoq papritur nga rendi i ditës i Bundestagut më herët mbrëmjen e kaluar, për shkak të mosmarrëveshjeve midis partive në koalicionin qeverisës.
Një konferencë për shtyp në të cilën propozimi i qeverisë do të paraqitej në tërësi u anulua gjithashtu në minutën e fundit.
Sipas një raportimi nga kanali i parë i televizionit publik gjerman ARD, partnerët qeveritarë kishin arritur një marrëveshje dje, e cila, megjithatë, dyshohet se u refuzua nga anëtarët e grupit parlamentar të Partisë Socialdemokrate (SPD), duke mos qenë dakord me sistemin e përzgjedhjes, nga i cili do të vinin të rinjtë që do të shërbenin detyrimisht, në rast se nuk do të kishte mjaftueshëm vullnetarë. Sipas ARD, shumë deputetë të SPD argumentojnë se kjo dispozitë fsheh vendosjen e shërbimit të detyrueshëm ushtarak, diçka që partia e tyre e kundërshton në parim.
