Një shpërthim i ri vullkanik pritet në ishullin e Atlantikut Verior të Islandës për shkak të një serie të re tërmetesh.
Imazhet e reja satelitore të gadishullit Reykjanes, në jugperëndim të Reykjavikut, treguan lëvizje të qarta të magmës nën sipërfaqen e tokës midis maleve vullkanike Fagradalsfjall dhe Keilir. Prandaj, gjeoshkencëtarët besojnë se ka shumë të ngjarë që një shpërthim të fillojë në gadishull në ditët ose javët e ardhshme.
Sipas Autoritetit Meteorologjik Islandez, fluksi i magmës nën Fagradalsfjall është rreth dy herë më i shpejtë se sa ishte gjatë shpërthimit në pranverën e vitit 2021. Në atë kohë, llava kishte dalë prej muajsh nga toka në zonë, pasi më parë ishte paralajmëruar nga një sërë tërmetesh.
Edhe këtë herë, toka nën gadishullin Reykjanes po dridhet pandërprerë. Mijëra lëkundje janë regjistruar nga autoritetet që nga fundjava, duke përfshirë një tjetër me magnitudë mbi katër, sot në mëngjes./ ATSH/
